Վարպետն ու թեյի բաժակը
Օշոյի առակներից
Վաղո˜ւց, շատ վաղուց մի ծպտված վարպետ ճամփորդում էր իր աշակերտների հետ: Ո՛չ հագուստով, ո՛չ պահվածքով նա չէր տարբերվում մյուս ճամփորդներից: Նրանք կանգ առան մի պանդոկում՝ գիշերելու: Պանդոկի տերն առավոտյան նրանց թեյ ու նախաճաշ հյուրասիրեց: Մինչ վարպետն ու իր աշակերտները թեյում էին, պանդոկապանը, ի նշան հարգանքի, հանկարծ ընկավ վարպետի ոտքերը: Աշակերտները խիստ զարմացան. որտեղի՞ց կարող էր նա իմանալ, որ իրենց մեջ վարպետ կա:
Ո՞վ էր բացահայտել իրենց գաղտնիքը պանդոկի տիրոջը: Վարպետը ծիծաղեց և ասաց.
-Մի՛ զարմացեք, հարցրեք հենց նրան, թե ինչպես ճանաչեց ինձ:
Աշակերտները հարցրին պանդոկապանին.
-Ինչպե՞ս գլխի ընկար, որ նա վարպետ է:
-Ես չէի կարող չճանաչել,- ասաց տերը, — տարիներ շարունակ սեղան եմ գցում իմ հյուրերի առաջ: Ես հազարավոր մարդկանց եմ հանդիպել, սակայն չեմ հանդիպել մի մարդու, որ այդքան սիրով կարող է նայել թեյի այս սովորական ու անշուք բաժակին:
Թարգմանությունը ռուսերենից
Թարգմանիչ՝ Հասմիկ Ղազարյան
Աղբյուրը՝ այստեղ:
Ուսումնական ամառ
Ամառային արձակուրդին առաջարկում եմ հետևյալ գրքերի ցանկը:
Ընթերցանության ցանկ
Անտուան Դը Սենտ Էքզյուպերի «Փոքրիկ Իշխանը», Աստրիդ Լինդգրեն «Երկարագուլպա Պիպին», Մարկ Տվեն «Թոմ Սոյերի արկածները»
Իմ առաջարկած գրքերից ընտրի՛ր քո ցանկությամբ որևէ մեկը և սկսի՛ր կարդալ:
Կարող ես կարդալ նաև քո ընտրությամբ:
Կարդալուց հետո կատարի՛ր հետևյալ աշխատանքները.
Նշի՛ր գրքի վերնագիրը, հեղինակին:
Փորձի՛ր արտահայտել վերաբերմունքդ՝ հետաքրքիր էր գիրքը, ինչ իմացար, ինչով է աչքի ընկնում այն, ովքեր են հերոսները:
Ձայնագրի՛ր դուր եկած հատվածը:
Դուրս գրի՛ր քեզ դուր եկած հատվածները, բառակապակցությունները, բնության պատկերները, հերոսներին բնութագրող և նկարագրող տողերը:
Ամառային ճամփորդություն
Ամառային արձակուրդի ընթացքում մեկնելով ճամփորդության քաղաքից, երկրից դուրս, կամ որևէ հանգստավայր, գյուղ, բարեկամ-հարազատների տուն, առաջարկում եմ պատմել ձեր ամառային ճամփորդության մասին: Պատումն իր մեջ կարող է ներառել.
տեղեկություններ տվյալ վայրի, տեղանքի մասին.
այցելությունների, արկածների, առօրյայի, անսովոր ու սովորական դեպքերի, դիպվածների, հանդիպումների, ստացած տպավորությունների մասին պատում:
Թեման կարող եք ներկայացնել ֆոտոշարքի, տեսանյութի, հարցազրույցի, պատումի տեսքով:
Ինչի՞ մասին էր:
Ովքե՞ր էին հերոսները:
Ամենահետաքրքիր, ամենազարմանալի դրվագը, արարքը ներկայացրու նկարի (paint ծրագրով) տեսքով ու համառոտ պատմիր:
Դուրս գրիր ամենահետաքրքիր մտքերը:
Բակային խաղեր: Առաջարկում եմ նկարահանել այն խաղերը (գոնե մեկը), որոնք դուք ձեր բակում խաղում եք ձեր ընկերների հետ: Տեսագրության հետ միասին ներկայացնում եք նաև խաղի նկարագրությունը: Բացի այդ, կարող եք ներկայացնել այն խաղը, որը դուք սովորել եք այս ամռան ընթացքում: Այն խաղացել եք ձեր ճամփորդությունների ընթացքում: Նոր խաղի նկարագրությունը նույնպես ներկայացնում եք:
Մեր բարբառները: Թեմայի շրջանակում ներկայացնում եք ձեր գյուղի, այցելած վայրի, տատիկ-պապիկների բարբառը: Հարցազրույց եք վերցնում, ձայնագրում եք, նկարահանում եք, հավաքում ու գրանցում եք գոնե տասը բարբառային բառ իրենց բացատրությամբ:
Երգի, պարի ուսուցում Նկարահանում եք, թե ինչպես եք ձեր իմացած երգերը (կոմիտասյան) ու պարերը սովորեցնում այլոց:
Նշված թեմաներից ընտրում ես քո ցանկությամբ:
Բարի ընթերցում և ուրախ ամառ բոլորիդ:
Սովորողի աշխատանքի կազմակերպումը ուսումնական բլոգի միջոցով
Հոդվածը տե՛ս Դպիր մանկավարժական էլեկտրոնային ամսագրում:
Ուսումնական բլոգով ուսուցումը 3-րդ դասարանում
« Զանգվի մի տուտը Սևանի հանդատ ծովումը, մյուսը՝ Արաքսի քրքրված ղրաղումը»
« Զանգվի մի տուտը Սևանի հանդատ ծովումը, մյուսը՝ Արաքսի քրքրված ղրաղումը»» ուսումնական հետազոտական նախագիծը նախատեսված է երրորդ դասարանի սովորողների համար: Читать далее
Ամառային ուսումնական ճամբարի առօրյան ֆոտոշարքով
Эта галерея содержит 11 фотографий.